Kodi i mirësjelljes

Të festojmë krenaritë tona duke respektuar gjithsecilin·ën

Pride e Lozanës është një hapësirë feste, qëndrese dhe solidariteti për të gjithë njerëzit LGBTQIA+.

Kjo kartë shtjellon rregullat me rëndësi që çdokush të ndihet i·e sigurt dhe i·e respektuar.

1. Kujt i drejtohet kjo kartë?

Të gjithë njerëzit e pranishëm në Pride duhet ta ndjekin këtë kartë:

Pjesëmarrës·e·t;
Vullnetarë·et;
Artistë·et;
Ofrues·e shërbimesh et dhe bashkëpunëtorë·et.

2. Siguria dhe mbështetja

Nëse bie pre ose dëshmon një sjellje të papërshtatshme, dhunshme apo diskriminuese, ose nëse ke nevojë për ndihmë, mos ngurro të veprosh dhe të njoftosh menjëherë një anëtar·e të stafit:

Vullnetarë·et që mbajnë veshjen zyrtare;
Pride Angels;
Punonjës·e·t e sigurisë.

Struktura te ndryshme janë vënë për të siguruar mbarëvajtjen e ngjarjes:

Pika e informacionit;
Stendat e parandalimit (seksualitet, alkoli, droga);
Stendat e kontrollit të barnave (drug checking);
Stendat e ndihmës (samaritanë·et).

Çdo gjendje do të trajtohet me seriozitet dhe në mënyrë konfidenciale.

Askush nuk do të ndëshkohet për faktin se ka kërkuar ndihmë.

Gjatë parakalimit:

Ruaj një largësi sigurie me njerëzit e tjerë.
Ruaj një largësi nga karavanet dhe makinat.
Mos vrapo.
Mos shty.
Dëgjo dhe respekto udhëzimet e stafit dhe të sigurisë.

3. Respekti dhe përfshirja

Pride është e hapur për gjithëkë, pavarësisht:

Orientimit tënd seksual;
Gjinisë ose shprehjes tënde gjinore;
Moshës, origjinës, besimit, aftësisë së kufizuar, pamjes apo situates tënde sociale.

Që të gjithë njerëzit të ndihen mirë:

Respekto emrat dhe përemrat e gjithëkujt;
Respekto skuadrat, vullnetarë·et dhe artistë·et;
Liri të lira hapësirat e rezervuara për personat me lëvizshmëri të kufizuar.

Asnjë formë diskriminimi apo ngacmimi (racizëm, seksizëm, LGBTQIA+fobi, abilistizëm/validizëm, grossofobi, klasizëm, agjizëm, etj.) nuk pranohet.

4. Solidariteti dhe ndërseksionaliteti

Pride njeh se diskriminimet mund të gërshetohen, të shtohen dhe të përforcojnë njëri-tjetrin (orientimi seksual, gjinia, origjina, shtresa shoqërore, aftësia e kufizuar, etj.).

Dëgjo dhe respekto personat më të margjinalizuar·a.
Trego përulësi: mos i përvetëso betejat e të tjerëve dhe lëru vend personave që janë të prekur·a në mënyrë direkte.
Asnjëherë mos i nënvlerëso përvojat e tyre.

Pride është një çast mbështetjeje, jo konkurrence militante. Asnjë hierarki e betejave nuk është e pranueshme.

5. Pëlqimi seksual

Pëlqimi është i detyrueshëm për të gjitha ndërveprimet: fjalët, gjestet, kontaktet fizike, fotot apo videot.

Ai duhet të jetë:

I lirë (pa presion);
I qartë dhe i kuptueshëm;
Me entuziazëm;
I tërheqshëm në çdo çast.

Nëse një person është nën ndikimin e alkoolit ose lëndëve të tjera, ai·ajo nuk mund të japë pëlqim të vërtetë.

Mungesa e refuzimit nuk është kurrë pëlqim.

6. Shëndeti dhe mirëqenia

Pride është një çast festimi, por respekti për trupin tënd dhe të të tjerëve është thelbësor.

Konsumo alkool dhe lëndë të tjera me përgjegjshmëri.
Mos detyro askënd të konsumojë.
Ka pika uji dhe hapësira qetësie në dispozicion.
Te baret mund të gjesh tapa veshësh për të mbrojtur dëgjimin.
Nëse dikush është në rrezik ose i·e pambrojtur, kujdesu për të (atë) dhe kërko ndihmë.

Respekti për pajisjet dhe vendet

Pride është një ngjarje e organizuar falë punës së shumë njerëzve. Vendet dhe pajisjet na janë dhënë hua që festa të bëhet e mundur.

Ju falënderojmë paraprakisht:

Të kujdeseni për pajisjet (skenat, stendat, barrierat, tualetet, dekorimet);
Të mos thyeni, dëmtoni apo shkatërroni asgjë;
Të mos shkruani, ngjitni apo vizatoni mbi mure, dysheme apo objekte;
Të respektoni parqet, rrugët dhe ndërtesat;
Të njoftoni një anëtar·e të stafit në rast problemi apo rreziku.

Çdo dëmtim i qëllimshëm, çdo vjedhje apo përdorim abuziv i pajisjeve nuk do të tolerohet dhe mund të sjellë largimin nga ngjarja, deri në ndjekje penale sipas peshës së veprimit.

Respektimi i pajisjeve dhe i vendeve lejon që Pride të ekzistojë sot dhe në të ardhmen.

8. Respekti për mjedisin

Pride e Lozanës angazhohet për një festë që respekton mjedisin.

Hidhi mbeturinat në kosh dhe në pikat e ndarjes së mbetjeve.
Evitoni sendet njëpërdorimëshe (pipëzat plastike, fletëpalosjet…).
Përdorni transportin publik ose merrni shoqërine me makinë nëse është e mundur.

9. Simbolet dhe mesazhet

Pride është një hapësirë shprehjeje politike, kulturore dhe militante. Simbolet, parullat, pankartat dhe flamujt janë të mirëpritur·a, por gjithmonë duke respektuar gjithëkë.

Mesazhet e urrejtjes, dhunës apo diskriminimit nuk lejohen.
Çdo promovim tregtar ose politik duhet të miratohet nga organizata.

10. Shitja dhe promovimi

Pride e Lozanës nuk është një hapësirë e tregtisë së lirë.

Pa autorizimin e organizatës, është e ndaluar:

Të shiten sende ose shërbime;
Të bëhet publicitet ose promovim tregtar;
Të shpërndahen fletëpalosje ose sende promovuese;
Të shiten pije (rezervuar për baret zyrtare të Pride-it për financimin e saj).

11. Nëse rregullat nuk respektohen

Organizata mund:

Të të tërheqë vërejtjen;
Të kërkojë heqjen e një mesazhi;
Të largojë një person për të mbrojtur gjithëkë.

✨ Duke respektuar këtë kod, ti ndihmon që Pride e Lozanës të jetë një hapësirë e sigurt, gjithëpërfshirëse dhe sollidare për gjithëkë.✨